حنان غانم تكتب : (مفتقدينك يا زعيم)

الله يرحمك ياعبدالناصر ..كنت فعلا لمصر زعيم

وعليها امين هتعيش فى قلوبنا مئات السنين .وحلمنا

نلاقى زيك زعيم قلبه يكون على كل المصريين ..

وبيضرب بايد من حديد على الخاين والعميل ..واحنا

ياعبدالناصر هنلاقى زيك فين ..والله بندعبس عليك

فى الشوارع والميادين نفسنا يطلع مننا واحد زيك..

زعيم ,,وده حلم كل المصريين وربنا قادر يحقق لنا

الحلم الجميل .تعرف يازعيم احنا ليك اوى اوى..

مفتقدين .ودايما فاكرينك فى اليوم الحلو واليوم...

الحزين . هتقوللى ازاى يابنت الناس الطيبين...

.فاكرينى فى اليوم الحلو واليوم الحزين ...هاقولك...

يازعيم ..يااللى كنت سند للناس الطيبين المساكين...

...وخليتهم يحسوا انهم مصريين ..وليهم حق فى....

الارض والصحة والتعليم .ووزعت على الغلابة...

فدادين ..وبنيت السد العالى اخر النيل لجل يخدم...

كل المصريين وعلى ايديك دخلت الكهربا كل بيوت.

الفلاحين بنائك للسد العالى كان اكبر خدمة لكل..

المصريين بيحمى الطين من الفيضان اللى كان.. اللى كان بيغرق كل الاراضى اللى على شط النيل.

.واممت قناة السويس واخدتها فى غمضة عين من. الاجانب الملاعين.. اللى كانوا فى دمنا ماصين..

وعلى قلبنا قاعدين وفى خيرنا شافطين ؟ خلصتنا

منهم

يازعيم ..وعملتنا دستور يحفظ حق كل المصريين.

مسلمين ومسيحيين ..وفى مشاكلنا كنت عايش ليل.

نهار وبتفكر وحزين ..ازاى تخلينا ناس متفوقينا...

ولحياتنا فاهمين ...وفى طريق النجاح ماشيين...

شوفت بقى يازعيم احنا ليه ليك دايما مفتقدين.. 

وبندور عليك فى كل المصريين ...وفى اليوم..

الحزين

نبكى ونقول لو كان عايش وسطينا جمال حبيب..

الملايين ..كنا رمينا حملنا عليه وعارفين ومتاكدين..

انك هتشيلنا فى اليوم الحزين ...طب تعرف يازعيم..

من كام يوم كده اضحك علينا احنا المصريين؟! من..

شوية تعابين ..ال وايه دخلوا علينا باسم الدين!!..

.وفى حكمتك كنا ناسيين ..يوم ماقولت لا امان.. 

للاخوان المسلمين..بس طلع لينا بطل شارب من..

النيل

..وشايل لمصر الجميل ..مهو ظابط امين طالع من..

جيشنا يازعيم وخلصنا من تجار الدين اللى كانوا..

هيدمروا المصريين ...يوميها كانت فرحت كل..

المصريين واتمنيناه يكون زيك زعيم ..وشوفناك فى.

عينيه ..يومها كلنا جرينا عليه قولنا يمكن رجعلنا..

جمال عبدالناصر. وكنا من فرحتنا مش مصدقين

ان ممكن يطلع لينا تانى زعيم ويعيش فى تحت رايتك وسندك الملايين ويكون عشيق لكل المصريين

؟؟ياريت..

. نلاقى زيك زعيم ساعتها هنعيش مرتاحين

مطمنين وعلى بلدنا مش خايفين ..املى فى

ربنا كبير ان شاء الله هتولد فى مصر زيك تانى

زعيم ..قولوا معايا امين...يامصريين تخاريف .. 

حنان غانم..