حنان غانم تكتب : مش عايز قرف نسوان ..؟؟؟

مخنوقة اوى ومضايقة ولتفاهة الناس مش فايقة.

وخصوصا الستات العايقة اللى فى الخيبة دايما..

سايقة …وكل واحده فيهم عايشه ورايقة ..وفى..

كل مناسبة تلاقيها رايحه جايه ..ولا شايله هم ..

عيال ولا جوزها واقف لها زنهار وعايز ال ايه.

ياكل هو وعياله كل يوم خضار .ايه ياخويا انت …

وهى .ناسى انى بشتغل زىى زيه …ويمكن اكتر..

كمان ..وارجع البيت من قبل مااشيل من عليا..

الغبار ..تلاقينى بجرى على شغل البيت تقولش .

حمار.. وعين ابويا طالعه ليل نهار. وعمره ..

ماقالى كلمة حلوة وخلانى احس انى زى النسوان

..هتفكروا وتقولوا انا بغير من النسوان ..ايوه انا

بغير من النسوان ..اللى لا بتشتغل ولا حياتها

جنان فى جنان وجوزها بيغرف ويديها كمان

..وانا اللى مااعرف اشترى فستان .وجوزى لو

اخدت 10 جنية من ماهيتى يفضحنى فى كل.

مكان …وان اتكلمت وقولت ليه …طب فين حقى

ياجوزى البيه ؟؟ يقوللى على بيت ابوكى

مش عايز قرف نسوان ..يبقى اغير ولا ماغيرش

يا جدعان من النسوان اللى مهنينيهم اجوازهم

وبيفسحوهم فى كل مكان .ولو يطولوا كانوا

جابولهم من السماء مرجان ..ياما كان نفسى اكون

زى هذه النسوان ..والاقى جوزى داخل عليا

باوردة ولا حتى بنص كيلو رومان .. بس هقول

ايه اهى جوازه والسلام .احسن مااقعد جنب امى

وارازى فى الجيران ..ماانتوا عارفين ان فى

ازمة عرسان .الحمدالله على كل حال ياجدعان

..وعيالى وجوزى فوق راسى كمان …وقاعدتى

وسط جوزى وولادى احسن من احسن لولى

ومرجان يخليك ليا ياابو العيال ..وهشيلك فى كل

الاحوال .لو تعبان ولا حتى فقران ..اه مهو انا

زينة النسوان والاصل فيا عنوان ..واسألوا عنى

الجيران واهل جوزى كمان .مع انهم مخلينى

اعيش العذاب الوان ..ومع ذلك عمرى ماقولت

عليهم اى كلام ..ويجوا عندى اعملهم الاكل اشكال والوان ..واخلى حماتى تقعد زى السلطان

…وكله يبقى تمام ..وبرضه ح اغير من النسوان

…مهو احنا نفس بشرية وفى ناس عايشه متهنية

وناس على الغلا والفقر مستوية ….بس انا برضة عايشة ومرضيه . ارازى فى الدنيا وترازى فيا

تخارييييف كاتبة,, حنان غانم ........