بتحب مصر قول الحــق
وما تخبيــش
قول ف الوش للي يغش
ماتسرقنيش
صحي ضميرك أنت وغيرك
مايكشش ف جنيه بقشيش
بتحب مصر
يـد في يـد نقيـم الحــد
علي الفاسدين
مصـر وطـن للكل وطن
ولله وحده الدين
وحد ربك مجد سيدك
صلي علي نبينا الزيـن
بتحب مصر
مصر بلدنا أمانه ف روحك
وأنت أملها
أوعي تغفل عينك عنها
ولاتهملها
أصغرحارة ف شارع فيها
تسوى كنوز الدنيا بحالها
بتحب مصر
خلي ف قلبك رحمه عليها
ماتكسرهاش
أرض جدودك ليك لولادك
ماتبيعهاش
هي الباقيه علينا ولينا
غيرها وطن وبلاد ما لناش
بتحب مصر
ماتخليش عقلك مش ملكك
وماتمشيش
ف طريق أخرمنها الناجي
يروح مايجيش
فرق بين النور والضلمه
بين الحكمه وبين الطيش .................عبدالباسط محمد
إرسال تعليق