عبدالباسط محمد‏ يكتب " المنشأ " ؟؟!!

 

هويتي مصرى وصعيدى
قـناوى الجــد والمنشـأ
لا قـلت لعـبد يا سيـدى
ولا للزُل يــوم بعـشـق
ماليش ف اللف والـدوران
دوغرى ماأحبش الخرابيط
ولا ف سـياسـه ليا مكان
غير ف الآرض جوه الغيط
أنا والـرزق متفقـين
أركب رجلي وأسـعاله
ف صحرا أقابله ولا ف طين
ما بتكبرشي علي حاله
مابأكلش ف كته مفلوته
ولا حظي معاى مكرى
وبين دراعاتي مفروطه
كنوز الدنيا علي حجرى
ف عز الولعه والقيله
وقرص الشمس نار حمره
تطرشق حبة الفوله
بلف ف ساقيتي ببقره
عايشها بعرقي وبكدى
وراضي بحالي ونصيبي
مامديتش ف يوم يدى
وقرش حرام دخل جيبي
مابتمسخرشي وأدلع
وأقضي حياتي ضحك هزار
ووقت الجد أتمنــع
وأسيب الدنيا تولع نار
ما أبطش وأمشي ف المزقي
وأتلتح نفسي ع الدرابيس
وأوقع عمتي ف عشقي
وأبيع نفسي لحد رخيص
وأشعـلق روحي ع الفاضي
وأنا قاعـد ومتحـنط
ف دوررمسيس من الماضي
صنم ماقدرش يتحــرك
وأجيب اللوم علي غيرى
أعيب في الدنيا ليها اشكي
بقلة رزقي عن غيرى
وأعدد ف النواح أبكي

عبدالباسط محمد