حنان غانم‏ تكتب : دموع الفرح ؟!

طول عمرى بسمع . كلمة فلان بيعيط من الفرح اسمعها واسغرب اوى

واقول ايه الكلام الفاضى ده معقول فى حد يعيط من الفرح . الناس تعيط

من الزعل تعيط من الالم تعيط من اى حاجه تغم وخلاص , لكن تعيط من

الفر ح لا اظن . المهم مش هكتر عليكم واقعد ارغى كتير ..اللى حصل ليا

النهاردة اول ما داخلت التحرير وشوفت الناس اد ايه كتيره اوى اوى لدرجة

لا يمكن كان حد يتخيلها ياه معقول الناس اد كده بيحبوا مصر .معقول شعب

مصر اللى كانوا بيقولوا عليه شعب ميعرفش يعنى ايه ديمقراطية . ولا حرية

شعب همجى .. تعالوا شوف الشعب المصرى اللى بيدى دروس للعالم

كله فى التحضر والحرية والديمقراطية والاخلاق وحبهم وخوفهم على بعض.

الله الله عليك يا شعب مصر .الرجل جنب الست الولد جنب البنت . لا فى

تحرش ولا فى عنف ولا سرقة .ولو حد غلط فى حد من غير مايقسط

الاقى الاتنين بيعتزروا لبعض .تعرفوا انا شوفت المظر الجميل ده لقيت

نفسى
بزغرط وبضحك فرحانه اوى وبعيط بشدة اوى اوى ..وبغنى مع الناس

اغنية عبدالحليم حافظ احلف بسماها وترابها واغانى واطنية كتير

للبلد وللجيش ...كان قلبى مليان فرحة وعيوانى كلها دموع ..

اقول ايه هو ده الشعب المصرى الف مليون تحية للشعب المصرى

واطمنى يامصر وارفعى راسك للسما انت فى ايد شعب اصيل وصلب زى

الحديد هيصونك لاخر نقطة دم .وهيشرفك ادام العالم كله ..ارفعى راسك

انى ببارك ليكى وبهنيكى من كل قلبى .وهحلف كمان مرة والله العظيم

انا اول مرة فى حياتى ابكى من الفرحة وكان نفسى احضن وادوب فى

قلوب كل المصريين ..النهاردة كل اللى شوفته كان بيلمس القلب ..

الله اكبر الله اكبر ...

تخاريف كاتبة ...
حنان غانم...