حنان غانم تكتب : يانهار مالوش ملامح ؟؟!!

انا مش عارفه ليه المصريين يوم 23 _7 بياخدوا اجازة _ لا وايه ؟؟ !!!

كمان بيهنوا بعض وفرحانيين بالثورة اللى ليها اكتر من ستين سنة _ احنا

المفروض فى يوم ده بالخصوص يتكسف من نفسه ولو المفروض انه

ياخد اجازة يوم 23 \ 7 ياخد الاجازه دى بس عشان يدارى نفسه ويقعد

فى البيت يعيط ويولول على حال بلده وعلى اللى حصل لبلده__ يانهار

مالوش ملامح بقى احنا سنة 2013 !!! بنطالب بالحرية والعيش

العدالة الاجتماعية _مش الزعيم جمال عبدالناصر هو والرجالة عاملوا

ثورة على الحكم الملكى ووزعوا الثروات على الشعب بالتعادل وحققوا

حلم الشعب من حرية وعدالة اجتماعية اللى الشعب اساسا مكنش

يعرف يعنى اية عدالة اجتماعية ولا يعنى ايه حرية .يعنى المفروض خلاص

اتعلمنا يعنى حرية وتحققت العدالة الاجتماعية من الناس دى __وعملوا

مصانع

مصنع الحديد والصلب . مصنع النصر للسيارات . وغيره وغيره من المصانع

والانجازات .وكمان مننساش السد العالى . والبرج وحاجات من دى كتييير

نيجى احنا الوقت نرجع من نقطة الصفر وكأن لسة ثورة 23 ماحصلتش

يعنى ايه لما يمر على الثورة السنين دى كلها ومن الرجالة والزعيم

منتعلمش . ايه هنقول اصل اللى عمل الثورة كان جيش طب ماهو الجيش

مننا ابويا وابوك واخويا واخوك وجارك وجارى _ولا كان جيش مستورد من

الخارج . والله العظيم انا حزينه اوى على حال البلد من بعد اللى عمله

عبدالناصر ومن بعده السادات انتصرنا فى حرب 73 .. وبعد مرور السنين

نيجى نقول عيش حرية عدالة اجتماعية .. والله احنا لو كملنا من بعد

الانجازات دى كلها بيتهيالى كنا هنبقى اكبر دولة فى العالم فى العلم

والتقدم .بس نقول بقى ايه ماهو احنا شعب لامواخذة عايشين على

ماتفرج يالا نفكر ونتعب نفسنا ليه . كفايه علينا نفكر فى عمل المكرونة

البشاميل . والمفروض الست تنضف صدرها قبل الرضاعة . ولما نتقدم

شوية .. نقعد نقتل فى بعضينا ونرجع لعصر التخلف .. ممكن حد يأكدلى

احنا فى سنة 2013 __ولا فى سنة 1913 __ ياجماعة ااكدوا بدل ما

نظلم الشعب المصرى ونقول عليه شعب متخلف وهمجى ومبيتعلمش

ومخه مضلم مابينورش غير لما بيجى ياكل ولا بيروح غير للجهل .. يانهار

مدهول ياولاد على المصرى اللى عقله من بدرى مات _ ويبقى سلملى

على المكرونة بالبشاميل

تخاريف كاتبة

حنان غانم