حنان غانم تكتب : مين اللى يقدر يحكم مصر....؟؟؟

مين اللى يقدر يحكم مصر

ماتيجوا ياجماعة نفكر ونشوف مين هايقدر يحكم البلد

الكبيرة دى ..الموضوع صعب اوى. ياجماعة ...ايوه

صعب جدا ..( مين يقدر يحكم مصر ) السؤال ده كان

هايبقى سهل اوى ..لو ماقامتش ثورة 25 يناير .. يعنى

مثلا لو مبارك كان مات والكرسى فاضى ..كان هايبقى

الموضوع سهل جدا ..كان هايجى ابنه جمال او اى حد

..الموضوع ماكنش هيبقى فارق اوى مع الشعب

المصرى ... وخصوصا الطبقة الفقيرة . 

ودول كتير اوى فى مصر ..يمكن يكون اكتر من نصف

الشعب ..بينتموا لهذه الطبقة المهمشة ..والجماعة دول

مش فارقة معاهم خالص مين اللى يحكم او مايحكمش

.يجى زعيط يجى معيط ..مايجى اللى يجى ياعم انا

مالى .هو انا حمل الكلام فى السياسة ..وامن الدولة انا

عايز امشى جنب الحيط ..بس ..اياك انا اقدر ااكل

عيالى... وهم دول الفئة المقهورة اللى تعبت اوى فى

زمن مبارك ..اما

اكثر من ربع الشعب كان مع مصلحته . يجى مبارك

يبقى

مبارك علينا . طلما هناكل لقمة عيش حلوة وفيها شوية

بهاريز .. يجى مرسى ومالة ..جميل المهم نفضل ناكل 

لقمة العيش اللى مغمزة بالبقلاوة ... اما ياسيدى .. الشوية

اللى باقيين من الشعب المصرى ودول فيئة قليلة .. وهم

المثقفين اللى مهمومين بالبلد كان نفسهم يعملوا حاجه. 

لمصر بس مش قادرين ...عندهم حلم اسمة حرية .. 

ديمقراطية ... عدالة اجتماعية ..مساوة بين الرجل

والمراة ..المسلم والمسيحى ..الغنى والفقير... نيجى بقى

لما نلاقى ان ابتدا الحلم ده يتحقق بقيام ثورة 25 يناير

..فاجاة وبقدرة قادر تتغير المفاهيم والاراء ..وتلاقى

الانسان البسيط اللى كان كل همه ...يلاقى لقمة عيش.

لعيالة .......وكان بيقول ياحيطة دارينى

...الوقت ياخويا تلاقى الرجل البسيط ده بيقول ايه

.. يا حيطة انا اهو ..انا انسان مصرى وليا حقوق

ومش هتنازل عنها وقبل ده كله مصر دى بلدى ..ومش

هاسمح لحد تانى ياخدها منى...ولا حد هيقدر يخوفنى

تانى ...ولا هايجى حد يضحك عليا ..وده شوفناه .. لما

الاخوان حكموا مصر....معظم الشعب جرى

على جماعة الاخوان ..عشان الدين قال يمكن ياواد

يكونوا ناس كويسين لان عندهم دين ..ولكن عندما وجد

الشعب ان جماعة الاخوان ضحكت عليهم بااسم الدين

الشعب ماسكتش ثار واتجنن على مصر .شوفتوا بقى اد

ايه ان الشعب المصرى اتغير وفهم واستوعب ..وخرج

وصرخ فى وش الاخوان ..وقال خلاص مش هايتلعب

عليا تانى حتى لو كان بااسم الدين .وفى 30/6 خرج الشعب

المصرى كله .بيثور فى وش الظلم والكدب واستخدام

الدين فى اللعب عليهم .تعرفوا انى حسيت ان ثورة 25

يناير كانت ولادة طفل ..وفى 30 / 6 شوفت الطفل ده

شاب كبير فاهم ..خرج مش بيطلب نفس الطلبات اللى

كان بيطالب بيها يوم 25 يناير .عيش وعدالة اجتماعية

..وممكن حرية ..ولكن فى 30 /6 شوفت ان الشعب

المصرى كلة بلا استثناء متعلم غير متعلم عامل بسيط 

غنيى فقير مثقف ..شاب مسن .الكل خرج مش

عشان يطالب بعيش وحرية وعدالة اجتماعية ..لا المرة

دى كانت مختلفة خالص الخروج كان عشان مصر .

. ايوه مصر ...وعندما قالها السيسى ..وفوض الشعب

المصرى ان الشعب هو صاحب القرار .نجد الشعب 

لم يتردد لحظة واحدة ..فى تفويض السيسى ..و يرجع 

هذا لعدة اسباب اولا ان الشعب ..خلاص فاض به ومن

جماعة الاخوان الكاذبة ..وحاسوا ان الاخوان بيسرقوا اسم

وتاريخ مصر العظيم .ثانيا عندما تحدث السيسى ..لاحظ

كل الشعب المصرى ان هذا الرجل ..جاد فى كل كلمة

قالها ..ومحب لارض مصر وشعبها ...ثالثا ..والكل لا

يختلف معى ان السيسى رجل قوى تهابه كل البلاد

الاروبية والعربية 

...وهذا مانريده فى الرجل الذى يجب ان يحكم هذه البلد

العظيمة ...وقبل ذلك الكل يلاحظ معى ان السيسى عنده

كاريزما غريبة ..وده مخلينى اتفائل ان لو السيسى حكم

مصر ..هنلاقى معظم الشعب المصرى ايد واحدة لانهم

ملفوفين حوالين رجل واحد ..بيحبوا رجل واحد .عمرك

شوفت ان فى شعب زى الشعب المصرى ..مجتمع على

كلمة واحدة

وهى السيسى ..يانهار ابيض لما تلاقى ان الصغير الكبير

الغنى الفقير المتعلم الغير متعلم المثقف الفنان العامل

..المسلم المسيحى ..واللى ماكنش يعرف يعنى ايه سياسة

..واللى ..واللى كلهم مجتمعين على حب السيسى ...الله الله

..يبقى ايه ياجماعة من غير مانفكر ولا نحتار ولا نخاف

على مصر ومستقبل مصر ..احب اقول ان السيسى ..هو

الرجل الذى يستطيع ان يحكم مصر بقتدار .وكمان عايزه

اقول حاجه مهمة جدا للخايفين على مصر ... ياجماعة

الشعب المصرى اتولد من جديد بعقل فاهم وواعى وعمر

ماحد هايقدر يسرق منه حريته تانى ...يعنى لا قدر الله لو

السيسى خيب ظننا ..مش هيقدر يسرق مننا مصر

..لان الميدان موجود ..وزى ماعملنا 25 يناير .و30 /

6 ..نقدر نعمل كل شهر بل كل يوم ثورة جديدة الى ان

نستعيد حريتنا وادميتنا ..واللى هيقوللى يعنى ايه يااختى

عايزانا نسيب مصالحنا ونعطل البلد .. ومش عارفة ايه

.اقول له اه نسيب مصالحنا ونسيب روحنا كمان لجل

مصر ما تكون مصر الحرة القوية بشعبها العظيم

...واللى عايز.... يستحمل ولا ايه ياشعب مصر ...... 

تخاريييييف.

حنان غانم