عبدالباسط محمد يكتب : مش لاقين اللقمه حاف ؟!

لما كل الناس شـريفه

ف البلد دى وحـقانيه

وكل حـاجه بالذيـاده

ماشيه صح وميه ميه

ليه ف قوتنا يبقي موتنا

ومش لاقين اللقمه حاف

وف بيوتنا الفقر حيطنا

وألف رقعه ف اللحاف

بالإيجارساكنين هدومنا

والعـدم واكل قـدمنا

حــواء تايهه عن أدمنا

ف لقمه حلوه وبخ ميه

***

لما كل الناس قلوبها

بيضه وأشرف م الشرف

والأيدين طاهره وبريئه

ف الأزى مالهاش طرف

يبقي نحن أكيد ف عالم

تاني أبعد عن عالمنا

واللي مقتول يبقي ظالم

واللي مجروح من تُهمنا

والحكايه والمسائل

وأفتعـالنا للمشاكل

كلها مجـرد وسائل

عـزمن كـتر الترف

***

لما كل الناس حـكيمه

عاقله فاهمه ومش غبيه

للفلوس مش عامله قيمه

وطبعهـا مش شرانيه

يبقي ليه ديما بتجـرى

ع المناصب والكراسي

وتنسي هم الناس وفقرى

ويبقي أول شئ أساسي

يقتلوا الحلم ف عنينا

يمرروا الايام عـلينا

يخلوا راس الحر فينا

ماتساويش كلب ف وسـيه

***

لما كل الناس حريصه

ع القيم ولا المبادئ

والضماير مش رخيصه

مهما كان الظرف طارئ

ليه تملي الكدب ســاكن 

فـوق لسانا ف الكــلام

والمعاني لونهــا داكـن

فاقـده كل الآحـــترام

واللي يدفع يمشي حاله

ويبقي فوق الراس مناره

وال يادوب علي قد حاله

تتنصب ليه المشـانق................

عبدالباسط محمد