وش الفقر شعر\ سمير الأمير

علشان معدوم الحس كانك حيطه

انا مش مجنون حخبط راسى ف طوب

إنت من الآخر لو ح مقلوب

بتخبى وراك أساطين الجهل وأعداء الروح

يا كريه الصوره والمعنى ياريح النحس المشؤم

يا عشير الغربان والبوم والحقد المفضوح

زيك زى عشيرتك منقوع ف التخاريف 

وأنا من كتر ماشنفت ودانى.. صدقت الزيف

اللى وعدنى أعيش بكرامة وعزة نفس

ثم رمانى ف بير الذُل فقريت فى قرار اليأس

منها لله الثورة اللى قلبت معدتها و جابت جاز

عقت عفونتها على وش الناس البُسطا

فبقيت إنت ياوش الفقر أكبر إنجاز

وش الفقر... للشاعر الكبير - سمير الأمير