حماده بتاع النضال يا واجع دماغنا وغاوى الحلال
عزيزى حماده بتاع النضال
يا واجع دماغنا وغاوى الحلال
نصيحة يا صاحبي بلاش الخيال
وغمض عيونك وربّي العيال
***
بلاش المقاوحة وكشف العيوب
وسيب المقاومة ونار الحروب
ليصبح ملفك صحيفة ذنوب
وتدخل برجلك طريق الزوال
***
بلاش المناكفة ولايم .. وعيش
ح تتعب معانا وسهمك يطيش
نلفق لأهلك قضية حشيش
وتصبح حكاية ونكتة ومثال
***
حتصبح شيوعي .. حتصبح أمير
وكلب وحرامي وندل وأجير
ونقدر نلخبط .. في أصلك كتير
وجدك " شحاته" حيصبح شاحال
***
حنحلف بإن الحبايب شافوك
بتقبض يا خاين وتقتل أخوك
مراتك ساعتها ح تلعن أبوك
وتلطم وشتم احط الرجال
***
تعالا وهاودنا وعدّى الأمور
وعيش في الطراوه وخش الطبور
وشكلك حتزعل ودمك يفور
ح تشهد نهايتك في بحر الرمال
***
تنخور ورانا حتزعل صحيح
وخليك في حالك ما تبقاش قبيح
ولو كان لسانك مناكف فصيح
معانا العساكر يهدو الجبال
***
فخليك مؤدب وخليك لذيذ
دا احنا الحكومة وانتو المعيز
ورثنا التكية عن الانجليز
فليه المناهده وليه السؤال
***
ما لكش انت دعوة بإيه اللى ضاع
ومين اللى اشترى ومين اللى باع
ومين اللى شبع ومين اللى جاع
ومن اللى كيل ومين اللى شال
***
عزيزى حماده بتاع النضال
يا واجع دماغنا وغاوى الحلال
نصيحة يا صاحبى بلاش الخيال
وغمض عيونك وربى العيال
عزيزى حماده بتاع النضال
يا واجع دماغنا وغاوى الحلال
نصيحة يا صاحبي بلاش الخيال
وغمض عيونك وربّي العيال
***
بلاش المقاوحة وكشف العيوب
وسيب المقاومة ونار الحروب
ليصبح ملفك صحيفة ذنوب
وتدخل برجلك طريق الزوال
***
بلاش المناكفة ولايم .. وعيش
ح تتعب معانا وسهمك يطيش
نلفق لأهلك قضية حشيش
وتصبح حكاية ونكتة ومثال
***
حتصبح شيوعي .. حتصبح أمير
وكلب وحرامي وندل وأجير
ونقدر نلخبط .. في أصلك كتير
وجدك " شحاته" حيصبح شاحال
***
حنحلف بإن الحبايب شافوك
بتقبض يا خاين وتقتل أخوك
مراتك ساعتها ح تلعن أبوك
وتلطم وشتم احط الرجال
***
تعالا وهاودنا وعدّى الأمور
وعيش في الطراوه وخش الطبور
وشكلك حتزعل ودمك يفور
ح تشهد نهايتك في بحر الرمال
***
تنخور ورانا حتزعل صحيح
وخليك في حالك ما تبقاش قبيح
ولو كان لسانك مناكف فصيح
معانا العساكر يهدو الجبال
***
فخليك مؤدب وخليك لذيذ
دا احنا الحكومة وانتو المعيز
ورثنا التكية عن الانجليز
فليه المناهده وليه السؤال
***
ما لكش انت دعوة بإيه اللى ضاع
ومين اللى اشترى ومين اللى باع
ومين اللى شبع ومين اللى جاع
ومن اللى كيل ومين اللى شال
***
عزيزى حماده بتاع النضال
يا واجع دماغنا وغاوى الحلال
نصيحة يا صاحبى بلاش الخيال
وغمض عيونك وربى العيال
مرسلة إلى من شخص مجهول - حمادة عوضين
إرسال تعليق