ماهوش كارى ولاغاوى
أورنش جزمه تتلمع
ولا نفسي أهين نفسي
ألبس حد وأقلّع
لكن فقرى مرخصني
لبيه بالبدله متقمع
بسن الجزمه بيدوسني
ولا عامل حساب ليا
ولا لشيبتي ولا علي باله بالمره
وأنا ف خيبتي ولحظة قسوتي المُره
عامل نفسي مانيش شايف ولا حاسس
موسع بالي وبفوت
لكن جوايا مش عادى
ف خنقه وضيقه بتموت
ونار مطلوقه ف ضلوعي
ما يعلمها غير المولي
سنين عمرى راحت ببلاش
ف قرصة لعبة الطاوله
وبين شهادات مامعترفاش
بيها المخاليق ولا الدوله
وقبل ما أكمل الجمله
زى ما أكون عامل عمله
تاخدني كفه بمناوله
ليد تقيله ساحباني وسحلاني
لحجزى ضمنت الجايلين
وحبسي ف عنبر القاتلين
مدام ماغمزتش الشريطين
مامهمزتش بكام قرشين
أغيبلي يومين وكام أسبوع علي ساعه
ف غرفه كبيرها قوى مترين ومتباعه
لناس مخنوقه م الكتمه
ماشيفاش بعض م العتمه
يعدى سبوع يفوت شهرين
وتاكل عدس طول سنتين
وأخـــــرتها بتمضي ع اللي
ماتشافشي أمام عينك
وتبصم بعد بصمتهم
ف وش قف اللي جايبينك
ويا عالم تلاقي حلول
ولا ف نعول تروح منعول
علي الأعدام ياجـــزماتي .............
عبدالباسط محمد
أورنش جزمه تتلمع
ولا نفسي أهين نفسي
ألبس حد وأقلّع
لكن فقرى مرخصني
لبيه بالبدله متقمع
بسن الجزمه بيدوسني
ولا عامل حساب ليا
ولا لشيبتي ولا علي باله بالمره
وأنا ف خيبتي ولحظة قسوتي المُره
عامل نفسي مانيش شايف ولا حاسس
موسع بالي وبفوت
لكن جوايا مش عادى
ف خنقه وضيقه بتموت
ونار مطلوقه ف ضلوعي
ما يعلمها غير المولي
سنين عمرى راحت ببلاش
ف قرصة لعبة الطاوله
وبين شهادات مامعترفاش
بيها المخاليق ولا الدوله
وقبل ما أكمل الجمله
زى ما أكون عامل عمله
تاخدني كفه بمناوله
ليد تقيله ساحباني وسحلاني
لحجزى ضمنت الجايلين
وحبسي ف عنبر القاتلين
مدام ماغمزتش الشريطين
مامهمزتش بكام قرشين
أغيبلي يومين وكام أسبوع علي ساعه
ف غرفه كبيرها قوى مترين ومتباعه
لناس مخنوقه م الكتمه
ماشيفاش بعض م العتمه
يعدى سبوع يفوت شهرين
وتاكل عدس طول سنتين
وأخـــــرتها بتمضي ع اللي
ماتشافشي أمام عينك
وتبصم بعد بصمتهم
ف وش قف اللي جايبينك
ويا عالم تلاقي حلول
ولا ف نعول تروح منعول
علي الأعدام ياجـــزماتي .............
عبدالباسط محمد
إرسال تعليق