عبدالباسط محمد‏ يكتب : كابوس ؟؟!!

 

زى ما أكون بحلم ف كابوس
مش ف حقيقه وشئ ملموس
كل ما أقـب ف بحـر الدنيـا
أرجــع تـاني مكـاني أغــوص
كل ما أقــرب أوصـل شـــط
ولا عنيه تلمح خـط
موجــة حــزن تشـيل وتحـط
علي أحـلامي وقلبي تـدوس
حاسس نفسي بضيع وخـلاص
والدنيـا بتصغـر وتضيق
مش باين لهمومي خلاص
مـش شـايـف لنجاتي طـريـق
حـلمي تمـلـي ألاقيه محجــوز
واحــد تـاني سـبقني وغـيرى
مابتكملـشـي معـــاى وتبـوظ
ع الـفاضـي بتطلـع مشاويرى .............

عبدالباسط محمد