أنا شايفة ان شباب جماعة الإخوان يجب أن يراجعوا انفسهم فى اعتصامهم برابعة والنهضة وفى اى مكان آخر وبأقول لكل واحد فيهم " اذا كنت خرجت تعتصم علشان مرسى يرجع يبقى انت بتضحى بنفسك فى سبيل انسان آخر وربنا ماقلش كده ربنا قال ضحى فى سبيل الله وكمان قال " يؤتى الملك من يشاء وينزع الملك ممن يشاء " وده قدر ومكتوب .. واذا كنت بتضحى بنفسك علشان تحمى قياداتك ومرشدك فتذكر انهم من ضمن أسباب انهيار جماعتك وفشلهم فى الحفاظ على فرصة العمر فى حكم مصر بتصريحاتهم المستفزة وتصرفاتهم غير المسئولة وتدخلهم فى مؤسسة الرئاسة واحراج مرسى أكتر من مرة .. واذا كنت معتصم علشان مصر فتأكد ان مصر بتحب اولادها وبتخاف عليهم وبتحزن على كل نقطة دم تسيل منهم فارجع واشتغل وانفعها بعملك لأن موتك مش هايفيدها .. واذا كنت معتصم علشان خايف من ملاحقة الأمن لك فاطلع وقول كده للعالم كله وهاتلاقى آلاف الشرفاء يتضامنوا معك ويحموك كمان وأنا كمان .. واذا كنت معتصم علشان شايف ان ده أفضل لمستقبل الشعب فقل لنفسك الناس دى ماتستهلش التضحية لأن كتير منهم بيشمتوا فى موتنا ومش مقدرين اللى بنعمله ... المهم أرجوك ارجع بيتك وحافظ على حياتك علشان انتم اخواتنا وخايفين عليكم " و الله على ما أقول شهيد ..
غادة عبد الحافظ
_49344.jpg)
إرسال تعليق