حنان غانم تكتب : الدنيا بقت ..مقلوبة...؟؟؟

الله يرحمك ياقلب مت وسيبتنى

اعيش لوحدى مابين العادى

والاحساس بالذنب ..الله يرحمك.

ياقلب .كنت مسكين طيب حنين

امين ..مت واخدت معاك الضمير

كان فيك العدالة ...كان فيك الامانة..

كان دمك ديما فاير للظلم ثاير.,,,..

والحق دايما جايب.....مت وسيبتنا

نعيش فى الدنيا من غيرك فيها وحدينا

على دماغنا تدينا ونديها ..ماهى دنيا

ولازم نعيش فيها ..بالاونطة بالسخرية

اهو بنقضيها تضحك علينا ..وبرضه

بنضحك عليها ..بقى فيها كتير من الهليبة..

الجماعة اللى بيتقال عليهم ..ال ايه...كسيبة.

لا بتهمهم العيبة ... ولا اللومة ولا يفرق معاهم

حبيبة ..اصلهم ناس كسيبة ...الله يرحمك ياقلب

من بعدك ...الاسد بقى ..يخاف ويعمل حساب.

للكلب ..والدنيا بقت ..مقلوبة .تشوف فيها الظلم

حق ..الخاين لابس توب الصدق والحبيبة..

ماخلاص بقت دنيا غريبة ...واعاك ياقلب..

تصدق اللى يجى يقولك الناس عايشة

فى خير وبقوا كلهم طيبة ...اقولك لا ....

ده بعدك بقت قلوبهم سودة ....ملفوفة بقشرة

بيضة ولو شيلت من عليهم ...القشرة

هتلاقى ياااااااااااا..قلوب سودة فيها

الخسة والدنائة والعيبة ..وكل واحد

شايل لتانى الف ومليون مصيبة ؟؟؟

وان جيت تعتبه يقولك دى اشياءكده

لزوم الهيبة والقلوب الطيبة الحنينة

دى قلوب كلها خيبة ..تخللى صاحبها

ماعنده ريحة القيمة ؟.ماهو مش فاهم

ان دى دنيا العيبة والناس اللعيبة ..

الله يرحمك ياقلب الطيب بعدك

تايهه بيدور عليك فى الشارع فى

الحارة داخل الدرب ..فى الاخر ..

رجع خايف مرعوب ماهى اصلها ..

دنيا بقت كلها قايمة على بعضيها حرب..

والطيب ياما شبع منها على دماغه ضرب

والناس بقت بتقسى على بعضيها ولا عمر

فى يوم يتخلق جواهم احساس بالذنب

ولا بيعملوا حساب للرب ...
.
الله يرحمك ياقلب...........
تخاريف كاتبة..


حنان غانم