قنديلك لاخضر الدهبي الأصفر
المروى بنيلك وعكـاره السكـر
اللي بيتمخطـر ف هـواكي
عـلى أرضـك وســماكي
ويهفهف نفـس الصايم يفطـر
منحوت لأخرحبه في عصبه
منزوع من كل غيطان
أهليته ونسبه
مفصول من جزره وعوده
وحق وجوده
مرمى ومتفرط زى حبوب الطير
مسكين متورط ف حفـر زى البير
متهوم من طوب الآرض
ف هتك العرض
وكشف المستور م الحريه
منه اللي أستشهد مالاقاش يشهد
حد دليل
والباقي زليل
علي ذمة حكم قضيه
علي طرف وسن الحجر الداير
ف النواعير
ومابين زعابيب أمشير
وبرودة طوبه حوليه مقلوبه
الدنيا بتلعب بيه
من كل نواحي الكون
مسكون بالخوف
ومعشعش من فوق حلمه البوم
والهم عليه بيمطر
سيل سجيل أبابيل الفيل
مستفرد بيه
ولابيه ولا حوله متباع م الدوله
مستني عزيزك منقـذ يـوسـف
أو ناصرمن تلاميذك
من ضهرك من صلبك
من لحم كتوفـك
ياخد بايديه ويرجع ليه
هيبته ومعانيه
عزة وكرامة دمه المتبعـتر ......................عبدالباسط محمد
إرسال تعليق