قومى يا شمس

ريشة وقلم:
الشاعر/محمد العشماوى اسماعيل

قومي يا شمس وصحي النوم
إحنا بقينا بداية يوم
والليل عدى علينا وقـــــال
إنا دلوقتى معاد النوم
قومي يا شمس وصحي النوم

هوه بقاله اتناشر ساعة
وانتى يا شمس عليكى الدور
تبقى معانا اتناشر زيه
مش عايزينه يكون مظلوم
قومي يا شمس وصحي النوم

قومي يا شمس وحلى شعورك
خلى العالم يشرب نورك
نجرى ونلعب ويا الدنيا
أوعى تجيبي عليكى اللوم
قومي يا شمس وصحي النوم

قومي يا شمس وقولي يا عافيه
خلى الدنيا جميله وصافيه
دانتى يا شمس لولاكى علينا
كنا ازاى هنام ونقوم
قومي يا شمس وصحي النوم

انتى بتدى قمرنا ضياء
هوه كمان بيقول الله
لولا الشمس ونورها على
كنت أعيش م النور محروم
قومي يا شمس وصحي النوم