يانهار اسود ياجدعان ..لما حمار يبقى حصان والحصان.
يقولوا عليه حمار ..يبقى خلاص الدنيا عليها السلام.ولا
وتصدق بعد كده اى كلام .عن الحب والجمال والخير
والحق والصدق والسلام .....
.وان الدنيا لسه فيها خير واحسان هقولك سلامات
ياعبدالسلام اصحى فوق وبلاش تعيش فى الاوهام ...
الدنيا عاملة زى مصارعة الثيران . الغلب فيها هو
...جبان ..والمغلوب فيها يا عينى ...
جواه الانسان لسه انسان ..لا يرضى يذل ولا يرضى
يتهان . ولا يرضى يبقى حمار .مهما كان. هو ده الانسان
اللى هفضل ادور عليه فى كل مكان لا هيأس ولا هقول
خلاص مات الانسان جوه الانسان .املى وعشمى فيك يا
زمان ..الاقى الدنيا بقت مليانة انسان .جواه مشاعر
وعقل حكيم زمان يعرف يفرق مابين الكلب وبين
والانسان ..وكمان جواه قلب فنان ماهو اصل الدنيا
لو خلص منها الانسان هيبقى عليه العوض ياجدعان فى
الزمان وهنشوف الحمار حصان ..والكلب بيجرى وينهب
فى الدنيا زى الرهوان .وتيجى تدور على الحصان
.تلاقيه قاعد يبكى على ايام زمان ...لما كان . فى انسان
وله مكان .وعنده كيان ...وجواه انسان فيه حب وخير
وصدق لاخوه الانسان ..اه لواشوفك يا انسان كنت اخدتك
بلاحضان ولفيت بيك كل مكان ورميتك جوه فلان وفلان
اللى مات جواهم الانسان .. وهصحى من تانى الانسان
وتبقى دنيا الانسان مش دنيا الحمار ....عارفين الدنيا
ساعتها هتبقى عاملة ازاى ...
تخاريييييييييييف كاتبة ...
حنان غانم
إرسال تعليق