أحــلامنا دابت م السفـر
وقلوبنا صدت م الفراق
كرمش جـبينا وأتحـفـر
فوق منه خط الأستواء
أختفاء بعض الحـروف
م اللسان وســط الكلام
شبورة ف الرؤيه وعزوف
للخطوه تمشي للأمام
خـتام لرحـلة الألام
ونفس مش قابله الرجوع
من فقر ذودها أعتصام
ع الرزق من أول سبوع
دموع بتجرى ع الخدود
علي عمر عدى راح هدر
ضاع الشباب بره الحدود
والنومه علي سن الحجر
أثر لجرح قديم غويط
علي خربشه بدفر الحياة
ف عنيا بتعيد الشريـط
وهو بيسف النجـــاة
وياه بتصـرخ جـتتـي
وعضمتيني اللي أتبروا
مابين شقايا ف غربتي
وأحلام ف وهم أتكسروا .................عبدالباسط محمد
إرسال تعليق