خرايط .. محمود الديداموني...؟

محمود الديداموني

فى عينيكي خرايط

أيامي وأحلامي

وأشواقي

المفرودة على خط العرض

المشدود فى النص

أحلامي جوّايا .. عمَّاله تبص

على جبل التلج

الساكن فى الركن العلوي

من حافة قلبك

قلبي المشتاق لك

حالف ليدوِّب جبل التلج

ويسبح لك

عبر البحر المليان بالموج

نوَّاته .. 

بترسم لى بالقلم ..

......... الروج

فينط الدم ف وشي

قال إيه ...

محروج

كل ما أبحلق

فى خريطة جوَّاكِ

ألقاها بتتغيَّر

خط العرض

... بيتزحزح

أنهار ، وبحار ،

محيطات ..

... وجبال

والمطر النازل

.. من جوَّا عينيكِ

يصب ف روحي

فينبت ... أشواق

ويمد سهول ..

..... وديان

على جانب روحي

أتعلق بيكِ

أنتظر اللحظة

اللى أشوفني ..

... جوَّا خريطة روحك

نيل ... بيمد ...

............. حياة