حكومة كلامنجية بالكلام تسحرك انت وهى ..وساعة التنفيذ تقولك اجيبلك منين
ياعينية ...دى مشكلة ميذانية ومفيش حاجه بايدية
ماانتم كتير ملايين الملايين ...حتجيبلكم الحكومة
منين ..يامصريين ...خليكم كده راضيين
..عايشيين بالقليل هو انتم كنتوا طايلين ..طب
وليه ياحكومة كنا بنعمل ثورتين .. عشان نفضل
برضة جعانين وشغل مش لاقيين وفينا كتيير
متعلميين ..وعلى الفقر كنا صابرين وده يرضى
مين ده احنا مصريين ومن كتر تعبنا فاض بينا
وعملنا ثورتين فى سنتين لاننا خلاص على الذل
مش قادرين وفى الفقر تانى مش عايشين احنا
مصريين ومصر اتذكرت فى القراءن الكريم ..ده
احنا جوانا كتيييير ليه عايزه يبقى جوانا فاضى
ونرجع نعيش تانى فى الماضى .وبدل ماتقفى
معايا تقفى قصادى .ده احنا ثروة بشرية بصى
لينا ياحكومة شوية بلاش انانية احنا كلنا رجالة مش هفية ونفسنا نعمل حاجه للبلد ديه بس ياريت
ياحكومة تخليكى جنبينا شوية ..وتحطى ايدك فى ايدية
ونبنى البلد وساعتها حتتحسن الميذانية ..وكله ليكى وليا ونرفع اقتصادنا وتعليمنا وصناعتنا
وزراعتنا ونصدر لكل حتة ونرفع رايتنا .ونكسب قوتنا بايدنا ونفخر بمصريتنا ..وهاتبقى حكومة
تنفيذية مش حكومة كلامنجية لان قلبك هيكون
عليا وكل همك مستقبل المصرى والمصرية .يارب يجى اليوم اللى اشوف في مصر قوية
والحكومة تعرف مقدار الثروة البشرية ومتقولش
دول عالة عليا وليهم مفيش ميذانية .لا فوقى
وفكرى شوية احنا ثروة بشرية ..وعندنا كمان
ثروة صحراوية واقتصادية واثارية ..وكتير
ثروات فى البلاد امال ايه ده احنا العين علينا
ومطمع لكل العباد لان بلادنا احسن من كل
البلاد..اصحى يا حكومة قبل مايجى يوم الحساب المصرى كله عناد ..وشوفتى يوم 25 ويوم 30
ازاى كان الحساب
تخارييييف كاتبة . حنان غانم ....
_49344.jpg)
إرسال تعليق