حنان غانم. تكتب : اللى اتعذب منهم ؟!

حبيتك ياابن الايه ....والله ماعرفة حبيتك ليه

ومش هقوله غير لما ...اشوف حبى باين عليه

والشوق واللهفة ....فى لمسة ايديه ..

فى نظرة عينيه .....حبيتك ياابن الاية

حبيت فيك ايه ولا ايه؟؟ ...طيبة وحنية قلبك

ولا حبيت سحر عينيك ....اللى خلانى ادوب فيك

واتمنى اعيش لياليك.....وتكون ليا واكون ليك ..

حبيتك ياابن الايه ...مش ح اصرحك غير لما

المح حبى فى عينيك.....ساعتها ح اجرى عليك

احضنك اضمك المس ايديك ..وتفرح بيا وافرح بيك.

حبيتك ياابن الايه ...اه لو تعرف حبى ليك اد ايه .

اد السما اد الهوا يمكن اد البحور ..ولا اكتر من

النجوم لا اد حب كل العشاق ..اللى اتعذب منهم

واللى بحبه اتهنى وشاف ..جنة العشاق

بحبك ياابن الايه ...

تخاريف كاتبة... حنان غانم...