استنكر الإعلامي جابر القرموطي ما تقوم به الحكومة من تصرفات لا تنم عن إدراك بواقع الشعب المصري.
و قال في برنامجه مانشيت : "الحكومة بتعُك و شغالة في كوكب تاني وإما حاجة من الاتنين أن الحكومة ليس لها علاقة بالناس و إما تكون على اتفاق مع الرئاسة في كل ما تصدره من قرارات ".
و أضاف القرموطي أنه بالأمس أثناء عودته لبيته و جد كل من يعرفه يخزن السجائر أو يشتريها بكميات كل حسب دخله وأضاف : "و جدت الناس اللي شاري أروصة سجاير و اللي شاري عشر علب ليه يا عم خلاص غليت ، و شوية و رئيس الجمهورية الساعة 2 ونصف الفجر قال مفيش حاجة اسمها تغلى".
و أوضح القرموطي أن الحكومة لا تعرف ماذا تفعل و قرارتها غير مدروسة :" هو احنا بنلعب حكشة دي مش إدارة سوبر ماركت دي إدارة دولة و الحكومة ترفع أسعار سلعة معينة .. و الناس اشترت السجاير بالسعر الجديد و كده السجاير غليت و القرار نفذ أو اللي عنده سجاير خباه و لن تصبح السجائر رخيصة بعد الآن".
و لفت القرموطي إلى ان رئيس الوزراء لا يعرف ما هي السلع التي ارتفعت أسعارها :" هل يعقل أن هناك 50 سلعة ثم يطلع رئيس الحكومة لا يعرف عنها شيئا هذه كارثة دي مصيبة دي تتغير فيها نظم دول و لا حاجة حصلت والرئيس ييجي يلغي القرار.
و استنكر القرموطي فكرة إحداث حوار مجتمعي و قال :"يا سيادة الرئيس يعني إيه تعمل حوار مجتمعي و استشهد بقرارات غلق المحلات في العاشرة مساء و ما تم فيه" .
_94998.jpg)
إرسال تعليق