بقلم : ساره علاء
اسأل عليا هقولك مواطن برتبه شهيد
هتقولى ليه هقولك اصل دمى في بلدى اصبح غير حميد
ضرب واصابات وقتل وعدد الضحايا اصبح عديد
مؤيد معارض ليهم اراءهم لكن فين الرأى السديد
نفسي اعرف انا ليه يا بلدى بقيت رخيص
ولا يا بلدى كل اللى فيكى مبقاش حريص
دمى مالى الشوارع وعلى الجدار حتى الرصيف
ماشي وتايه نفسي الاقى ناس زمان والقلب النضيف
ان كنت شرطه ولا جيش حلمى هو حلم المواطن ومش عاوز اضيف
حالى اصبح فيك يا وطنى زى الغريب ولا العدو ومش محصل حتى الضيف
وهرجع واقول عشانك يا بلدى قابل بحالى مهما عانيت او قاسيت
وكل ده لاجل ارضك اللى عليها اتربيت
ولاجل نيلك اللى منه اترويت
بحبك يا بلدى ونفسي ارجع فرحتك اللى ليها استنيت
.jpg)
إرسال تعليق