قصيدة ............... عايزك وجايزك !
أأأأأأأأه من رسايلك
وقلبي اللي شايلك
حمامة سلام
وعلمِك مرفرف يا مصر ف قلبي دا قُصر الكلام
مسافر وسيبك
ولكني عايزك بحبِك وجايزك
وراضيكي جرحي
وعشقِك ودمي بيجري ف نيلك بشاير لفرحي
ف صُبحي بـ انادي
ف ضُهري بـ انادي
ف عتمة ليالي بردوا بـ انادي
من قلب قلبي غزلتِك غناوي
وحكيتِك حكاوي
ضاع مني عقلي وكأني مِخاوي
افتّح عيوني ألاقيكي ف وشِي
لا عُمرك تِغشي
ودود أرضِك أنتي عِشقتُه ف مِشي
عِشقتك ملامح سِكنت ف وشِي
عُمرِك يا مصر م لينا تِغشي
دايمًا صريحه
ولو يوم زعِلتي لومِك فضيحه
لكنُه ف أصلُه أُم النصيحه
علشان احنا حبايبِك
فديمًا صريحه
عصاتِك ف إيدِك ودمي اللي فاير حرارتُه ف وريدِك
عقابِك دموعِك
وجرحِك دا عِشقك لضُفر ولادِك
ولحظة خضوعِك غباء بُندقية
صايده لشهيدِك
تكسر ف صدرك صلابة ضلوعِك
وتنزل دموعِك
تِمس احتضارُه
وعلمِك يلفُه ف شارعِك ودارُه
وأخر كلامُه ف ودنِك بيهمس
بأنِك يامصر ف الحُب كُنتي أجمل حبيبة
عُمرِك ما هُنتي
ولو شُفت اسمك مصاحب فطوري
أحب الجريدة
وأألف مقاله وابدأ باسمِك هّوه الحقيقه
يا مصر عُمرك ما تبقي شريده
يا مصر عُمرك ما تبقي شهيده !
بقلم الأديب / أشرف صالح !!!
إرسال تعليق