ووحشاني
يا تَعباني يا هَجراني يا عاشقه التوهه ف جناني
يا وحشاني
مساء الحُب يا مركب نيل
يا صووووووووت مواويل يا طارحه الحُب ف نور قنديل
مساء الطيبه والزحمه
مساء الفُل يا مسامحه يا وحشاني
مساء الحاره واللمه
وضحكة طفل فوق أرضِك تزيح الهم من جوفِك
يموت خوفِك
مساء غنوةً مِداد شوفِك
يا مستوره يا مسئوله
مساء الهِمه يا غاليه
مساء هَاماتِك العاليه
مساء الحُب على عيونِك
يا مصر يا حلوه يا غاليه
وحشتيني
بجد بجد وحشتيني
ألِف بلاد وراها بلاد واغنيكي
واناديكي
ولو غِفلت عيوني ف ليل تجيني ف حلم والاقيكي
تواسيني واواسيكي
تغنيني واغنيكي
مش احنا اصحاب
قوليلي يا مصر ان انتي مِش ممكن هتنسنيني
ووعديني وعَهديني واحلفي والقسم ديني وراه دينك
ما تنسيني
انا ابنك
وانا صَحبِك
انا ف الحُزن صوت قَهرِك
انا فارس هاكون مَهرِك
وافديكي بروحي واحوش رُصاص الغدر عن ضَهرك
فأوعِي تكسري بخاطري
عشان خاطري وكمان خاطرِك
دا انا عايش بقيت عُمري عشان خَاطرِك
ولو تنسيني
مِش مُمكن انا هانسى
شوكه شِلتها ف ضَهرك
انا مَهرِك !
بقلم الأديب / أشرف صالح
_49344.jpg)
إرسال تعليق