Home » » حنان غانم تكتب : قوللى ازاى مكنش جبان وانا فى بلدى بتهان..... ؟؟؟

حنان غانم تكتب : قوللى ازاى مكنش جبان وانا فى بلدى بتهان..... ؟؟؟

رئيس التحرير : Unknown on الأحد، 8 سبتمبر 2013 | 2:04 م

يااللى بتطلب منى مكنش جبان..

طب ازاى وانا طول عمرى عايش...

جعان انا وولادى فى الفقر.....

مغروزين وفى القهر والهم محطوطين...

..يااللى بتطلب منى ماكنش جبان...

وفرلى العيش والشغل كمان ...

وفى بلدى احس باامان ولا اشوف فيها...

خاين ولا ارهابى خسيس جبان....
قوللى ازاى مكنش جبان وانا فى بلدى بتهان.....

وبدوق الذل اشكال والوان ....

باخد على قفايا و لما اعترض واقول

ده انا برضه انسان ..ارفقوا......

بيا انا مش حيوان .. ده حتى الحيوان....

بيعملوا بره احسن من بلدنا....

مابتعامل الانسان الفقير الجعان الغلبان..

وكل ذنبه ايه ؟؟!! انه اتولد فقران......

فى بلد مابتعترفش بأدمية الانسان الغلبان...

بتطلب منى ماكنش جبان...

وانا بموت مش لاقى تمن علبة البرشام...

ولا لاقى سرير فى المستشفى.....

اعالج فيها ابويا العيان .....

من الفقر والذل كرهت...

نفسى وكرهت ام العيال....
وكمان كرهت العيال......

بتطلب منى مكنش جبان....

وانا عايش فى بلدى زى الفئران ...

ياخسارة على الانسان لما......

فى بلده يعيش متهان......

ويمشى مطاطى جنب الحيطان...

لانه خايف من الحيتان...

اللى بافلوسهم يشتروا الانسان ....
ويجعلوا منه فار جبان.....

اه والف اه على الجدعان....

اللى الفقر بيعصرهم ويخليهم يبيعوا عيالهم...

وبلادهم باارخص الاتمان......

ماهم قالوها زمان....

عايز تذل شعب خليه يذوق....

الحرمان وديما يبقى جعان...

ساعتها هيبقى خاتم فى صباعك وتحكم..

وتكون عليه سلطان وتضربه بالكرباك.....

و ترميله لقمة يقولك اضرب كمان...


بس انام شبعان.. اه والف اه على الجدعان....

اللى كانوا شجعان اعمل..ايه ماهو انا برضه....

انسان والفقر يهد مايبنى ياجدعان ....

حرام خفوا عليا انا انسان ولا اقبل....

انى اتهان وابنى ينام جعان ولا يلاقى علام ...
وهى فين بس المدراس ياجدعان اللى هتعلم...

ابن واحد زيي غلبان وهو فى مدراس فى....

بلدى تطلع اجيال تقدر تبنى الاوطان.؟؟!!...

ده والله كلام اوهام ..اه اه تعبت ياجدعان .....

من اللى عايزينى اعيش على طول حيران ...

سماح انا انسان ومصرى كمان ....يعنى عمرى....

ماهكون جبان ولا فى يوم هبيع الاوطان....

مهما كنت فقران جعان حيران الفقر ممكن يهد....
جبال لكن مايقدر على مصرى ياجدعان .ده انا...

اموت فداء الاوطان واطحى عشان اهل بلدى...

الناس الجدعان ......بس دى كانت صرخة انسان تعبان...

سامحونى انا مصرى تعبان...

تخاريف كاتبة ...... من ديوانى

حنان غانم.....
إنشر هذا الخبر :

إرسال تعليق