والنبى اللى يعرفنى يقول لى انا مين ؟؟
تايهة.. والله انا وقلبى بقالى سنين...
يااللى تعرفونى.. ريحوا قلبى وقولولى ..
انا مين.. انا فرحة الدنيا؟؟ ولا حزن السنين ؟
حد يقدر يقولى.. اللى انا عايشة فيها دى دنيا
والا مستشفى مجانين.. .طب انا اللى مش عارفة
ولا انتم اللى مش عارفين ..طب احنا عايشين
ولا ميتين ..واللى جوانا ده حزن,؟ ولا شوق
وحنين لدنياا نسيانا من سنين ؟؟ كنا زمان فيها
وبيها فرحانين ؟ّ! واللى معايا دول حبايبى !
؟؟!!!! ولا هما دول سبب عذابى وهم السنين ؟؟
حد عارف انا مين ؟ وليه انا وقلبى طول عمرنا
من الحب والهنا محرومين ؟ !!!!احنا بينكم هنا
ولا احنا فعلا تايهين انتم من مننا. اصحابنا .
احبابنا ؟؟ اهلينا ..حتة مننا...طب..بتخافوا
علينا ..ولا بتخافوا مننا ؟؟؟ وفينا عارفين ولا
مش فكرين ؟؟ طب
احنا احنا ولا احنا ناس تانين ؟؟!!!! ياريت افهم
وياريت انتم كمان تبقوا فاهمين ,... انتم معايا
تايهين ..ولا انا بس وقلبى اللى تايهين ...فى دنيا
فيها مش عارفين احنا رايحين ولا جايين
...عايزينها ولا فيها بيعين .؟؟ يمكن عرفنا اللى
يشتريها يبقى ملعون ابن ملاعييين ؟؟ وهو الصح
؟!!! ولا احنا صح وفيها فاهمين وعارفين ..ان
اللى يشتريها صعب يفرح بيها ..ولا اللى
بيشتريها هو اللى بيتهنا بحلاوتها ؟؟؟ ويفرح
بالياليها ؟؟؟ ويبقى صعب يتوه فيها .؟؟
عرفتوا انا مين وليه وانا بينكم بتوه ؟؟ومش
عرفانى من سنين ...توهت من السؤال والحيرة
ومابين ناس طيبين وناس سيئين ؟؟ فاجاة تلاقى
الطيبين بقوا ناس سيئين ؟؟ يبقى ازاى هتثق فى
اللى كانوا اصلا ناس سيئين ؟؟؟؟اه اه اه تايهة من
سنييييين ...مش عارفه اثق فى مين واخاف من
مين ؟؟؟
(من ديوانى تخاريف كاتبة )
حنان غانم
إرسال تعليق