ماتت مشاعرنا بضربة شمس
وحياتنا بقت مالهاش لازمه
مابيألمناش شئ ولا بنحس
غير زنقة رجلنا في الجزمه
الرحمه اتنزعت منينا
والبركه راحت من عمايلنا
ف الفاضيه تملي تلاقينا
نتصدر ونزوم علي بعض
بقي عـادى بنقتـل وبنسرق
وبنحــرق في البيت والغـيـط
مش عايزين نتعـب ولا نعرق
ونقضيهـــا رقص وتنطيـط
مابقاش للعيشه خلاص معني
مش لاقين ف الدنيا أمان
غير صورة بتوصف أوجاعنا
وملامح تشبه أنسان
بنموت في مدرج مباراة
للكــورة بروحها الرياضيه
ف طابورالعيش والغاز وغلاه
ف قضـــاء مصالحنا اليوميه ............عبدالباسط محمد
إرسال تعليق