أنا برفض أكون تمثال مرمى ف جنب علي طريق منحوت من وحى خيال فُرجه لكل المخاليق وقرارى لواحد غيرى بيحدد فيّ مصيرى لمؤامرة بتحكي مخطط بنهاية حلم برئ برفض سجني المفروض بيني وبين الحرية لحمي ودمي المعضوض بالعربي وبالعبرية برفض من تاني أتفاجأ ألقاني ف جواى لاجئ عن نفسي غريب مجهول لا وطن ليّ ولا هوية أنا برفض أى ضغوط ترسملي طريق وحدود وحياتي تكون غير مشهد مالهاش دور فعلي وصوت ولا لون ولا طول ولا عرض غير ف الدم علي الأرض ووجودى غيابي قضية مالهاش معني ولا وجود مش عايز أكون مشروع حبر ف حبة أوراق وحياتي هامش موضوع علي طاولة أى نفاق محشور ف حوار وخلاص علي ذمة أى نقاش يشتروا ويبيعوا ف دمي ومافيش غيرى الموجوع.
.................
عبدالباسط محمد
إرسال تعليق