أبقى عبيط لو قلت كرهتك وأبقى عبيط لو قلت نسيت أبعد عنك أبقى عبيط أقزامك راح يبنوا فى عشك مليون شقة من الشخابيط قبر يلم العفشين فيكى واللى كمان غاويين تنطيط شوفت كتير الأحزان فيكى بس أنا صابر حابس حزنى مع أحزانك عامل نفسى فيها حويط وأنت يا سمرة زى القمرة وشك ساحر من غير مكياج ولا برنيط بأعزف ليكى مليون لحن وأشرب م النيل براميل حزن حابس حزنى جوه عنيكى شايف نفسى دايب فيكى وعامل نفسى فيها عبيط مين يقدر يرسم لك فازة فيها الورد الجورى الأحمر قاعد فيها بكل لذاذة عمال يرقص وبيتمختر دا أنا الريشة والرسام وولادك عايشين أحلام أعدائك راسمين أوهام عايشين فيكى كما الأنعام يلا يا سمرة قولى سلام واسرحى بينا مع الأحلام الأحلام بكرة هتتحقق والشاطر يرسم ويدقق من غير فزلكة ولا أفلام انا حبك عايش فى حشايا راسم كل فرح جوايا وهواكى راح يبقى هوايا تاخدينى فى حضنك وأنام واسرح فيكى مع الأحلام تتبدد كل الأوهام وارسم مستقبل أولادى بالتخطيط مش بالشخابيط لو ها اتعاطف مع أعدائك يبقى ساعتها قولى عليا الواد ده عبيييييييييييييييييط آه منكم يا ولاد التيييييييت
إرسال تعليق