مصــــر
مش ح تموت وعايشه
رغم أنف البندقـيه
مصـــر
مش برصاصه طايشه
تنتهي تبقي الضحيه
أوعيدية صوم لحاكم
عن حقوقنا سنين عجاف
ولا ف ميزان المحاكم
علقونا من خلاف
ولا ف عنابرالمظالم
إتسجــنا بـالآلاف
واتحفــر لينا المقابر
تنهي م العمرالبقيـه
مصر
مش ح تطاطي تاني
لآى ظـــرف وتتني
ولا طوبة ظلم فيهـا
مره تـانـي ح تتبنـي
مش ح نقـبل بالمـزله
تاني ولا يوم نخـاف
الأمـه والعـبـد ولي
راح زمنهم انصراف
مصــــــر
يامصرى النهـــارده
ع اللي عدى بأختلاف
مش ح ترضي بأى زله
من جـبله وأنحـراف
أو لقـله تبقي عـله
أو أتب فـوق الكتاف
أو يعكـر نهــرها
حـكم ظالم أو فسـاد
ولا يكسـر ضهـــرها
حــد وتمـوت القضيه ........
عبدالباسط محمد
إرسال تعليق