‏‏عبدالباسط محمد‏‏.يكتب : إنتصار ؟!

كل لحظه في عمري فيكي

بعيشها تشبه لانتحار

كل ساعه علي تعدى

بيبقي ع الموت إنتصار

ببقي مش قادر أصدق

لسه باقيه مني حاجه

عايشه علي قيد الحياة

ببقي مش عارف أفرق

بين هوايا وعشقي ليكي

والفرار منك نجاة

من عمايلك لينا وانتي 

بتكسرينا 

وشوم عساكرك

فوق بدنا بيهرى فينا

ونار مشاكلك قالبه شكلك

مديانا وش غير الوش 

ديما بيعارضنا 

في كل حاجه وأى حاجه 

بيعاندنا ومراقبنا

في الشوارع والبيوت

آخطبوط

ماشبعش من ارواحنا موت

وفي كل حته بيعادينا

وأى معني لحلم بكره

ولا فكره لحاجه حلوه 

في مرنا تهون علينا

بتتشطب وبيتمضي 

علي روح صاحبها الآنصراف

يابيتسحل يابيتقتل 

وبيتشرب في الآرض دمه

بعد ما اتمصمص عضامه للكتاف

اتسرمدت أيامنا ليل 

من غير دليل أوخيط بديل 

للآختلاف عن الخلاف

اللي احنا عايشين فيه 

وميتين في انتظار

شراع أمل علي طرف بابك يتفتح

يشرق معاه ضي النهار ........................عبدالباسط محمد