ف مساحة الحلم البيضا
والبُعد عن التركيز
ف النقطة السودة
اللي مكبرها بزوم الفقر
وقلة حيلك
وبجد حاولت تمد عنيك
وتشب بطولك
ع العالم من حواليك
وتشوف
الدنيا بتمشي أزاى
أو ماشية أزاى
والكون أزاى بيكون
والشمس بتشرق ليه
وتغيب ف سكون
وبترجع تاني تكون
زى ماكانت بعد ما راحت
راحت راجعه بنفس مشاعر
مضمون شوقها ف عشق الكون
دورت
تلاقي لحلمك أى طريقة
تكون مش عيبة
ومن غيرعتمة لشئ مفضوح
فكرت
تقرب منك لحظة جريئة
تحاسب نفسك
من غير ضعف ومن غير خوف
تفتح كل ببان الرحمة
اللي أنت قافلها بصك الوحدة
وشك الريبة وترباس ظنك
ولا تثور ع اللي بيحصلك
من جواك وتحرر نفسك
م اللي مخليك محبوس همك
و تفكك م التعقيد
وأمورالتعجيز
والحتة الضيقة
الزانق حلمك فيها هناك
وتسيبك من شتا أوهامك
والكعنشه ف لحاف أحزانك
تفرد نفسك تسند طولك
وتبص لأحلامك
تفتح للخطوة عنان الحركة
اللي مكتفها بخوفك
تتحدى ظروفك
وقلق كراكيب الأحتمالات
للفشل الطارح ضمي جواك
وتقوم ترمي العكاز
وتقول للدنيا وكل الناس
أنا أهوه
متفسر من كل الألغاز
م اللوغاريتمات
وال فات كان دافع للجاى
والجاى يبقي نتيجة الرايح
ف أستخلاص نفسك
من حسبة بيرما ف تعداد الأموات ..........
عبدالباسط محمد
والبُعد عن التركيز
ف النقطة السودة
اللي مكبرها بزوم الفقر
وقلة حيلك
وبجد حاولت تمد عنيك
وتشب بطولك
ع العالم من حواليك
وتشوف
الدنيا بتمشي أزاى
أو ماشية أزاى
والكون أزاى بيكون
والشمس بتشرق ليه
وتغيب ف سكون
وبترجع تاني تكون
زى ماكانت بعد ما راحت
راحت راجعه بنفس مشاعر
مضمون شوقها ف عشق الكون
دورت
تلاقي لحلمك أى طريقة
تكون مش عيبة
ومن غيرعتمة لشئ مفضوح
فكرت
تقرب منك لحظة جريئة
تحاسب نفسك
من غير ضعف ومن غير خوف
تفتح كل ببان الرحمة
اللي أنت قافلها بصك الوحدة
وشك الريبة وترباس ظنك
ولا تثور ع اللي بيحصلك
من جواك وتحرر نفسك
م اللي مخليك محبوس همك
و تفكك م التعقيد
وأمورالتعجيز
والحتة الضيقة
الزانق حلمك فيها هناك
وتسيبك من شتا أوهامك
والكعنشه ف لحاف أحزانك
تفرد نفسك تسند طولك
وتبص لأحلامك
تفتح للخطوة عنان الحركة
اللي مكتفها بخوفك
تتحدى ظروفك
وقلق كراكيب الأحتمالات
للفشل الطارح ضمي جواك
وتقوم ترمي العكاز
وتقول للدنيا وكل الناس
أنا أهوه
متفسر من كل الألغاز
م اللوغاريتمات
وال فات كان دافع للجاى
والجاى يبقي نتيجة الرايح
ف أستخلاص نفسك
من حسبة بيرما ف تعداد الأموات ..........
عبدالباسط محمد
إرسال تعليق