فوقي فؤاد محمد
وحشتيني
وحشتيني ....وحشتيني
يا حلم عمري وسنيني
وحشتيني
***
فاتت سنة.... ولسه أنا
بقول إنك وحشتيني
بقولها بنبضي... بعروقي
يا قمري وشمسي وشروقي
واقولها بدمعي..... بعيوني
يا حزني وفرحي وجنوني
هواكي في شراييني
وحشتيني
***
راح أبكي بقلبي من جوه
وأقول له حبيبي فين هوه
وأقول لك لسه فاكراني
ولا خلاص نسيتيني
وحشتيني
***
باقولها لها بعلو الصوت
دا عمر الموت
ما فرق بينها أو بيني
إسمك حفرته في قلبي
وصورتك فوق على جبيني
ويوم عن يوم يا عمري
تزيد أشواقي و حنيني
وحشتيني
***
صورتك لسه جوايا
بترويني وتحييني
يا زادي وسعدي وهنايا
يا فرحي وبدري وغنايا
وحشتيني
***
لو أبكي هابكي طول العمر
يا أحلامي يا كل العمر
يا زهرة عمري وسنيني
يا وردي وكل رياحيني
أنا من يوم فارقتيني
هايم ومين يرجعني
حزين ومين يواسيني
وحشتيني
***
وحشتيني يا أغلى الناس
وحشتيني يا كل الناس
ياقلب مليان حنية
يا نسمة وقت عصرية
مين بعدك بقى ليه
مين بعدك سأل فيه
واقولها وأعيدها من تاني
وأقول والله واحشاني
وحشتيني
***
يا بدر منور ليه ف ليلي
يا بلبل ع الغصن يغنيلي
يا عمري وكل قناديلي
يا قلب مرسوم على منديلي
يا زهره جوا بستاني
هقولها وأعيدها من تاني
أقول والله واحشاني
وحشتيني
***
إلى روح زوجتي أم باسم رحمها الله
إرسال تعليق