حنان غانم تكتب : شوية كراكيب ...اهدى وخليك فى حالك ؟؟؟

 

منك لله ياجلبى ياتعبنى ياسبب غلبى ...

ياجلبى بلاش تسبنى وتروح بعيد ده انت مش هتلاجى
منه غير ضرب الابائيب ..
ياجلبى ليه تعبنى معاك سيبك منه ده حبه هلاك...
ياجلبى اهدى وخليك فى حالك ده نصاب وهيسرج مالك ..
ياجلبى بلاش تسأل هو فين ساكن صدجنى هيلعبك على
الشناكل ....
ياجلبى سيبك منه ده ندل وعمره مايتكسف ولا يهمه ...
ياجلبى خليك فى حضنى سعيد هتروحله مش
هتلاجى فى جلبه فى شوية كراكيب ...
ياجلبى اجعد جنبى وارتاح هتروحله مش هتلاجى
غير جلب سفاح ..
ياجلبى تعالى معايا نروح مشوار وهخليك
تشوفه وهو زى الفار ..
ياجلبى جول ليا بتحب فيه ايه ده والله مايساوى
فى سوج الرجالة نص جنية ...
ياجلبى جاتك خيبة رايح لجلب اخرتك معه هتكون
سودة ...
ياجلبى بلاش تروح مش هتلاجى منه غير الجروح ...
ياجلبى بلاش تروح معه ده واطى ومايستاهل غير
الضرب على جفاه ...
ياجلبى جايب لىا الكلام ليه هروح اعتبه يجولى
ماهو جلبك اللى جالى لغاية عندى برجلية ساعتها
هرد واجول له ايه ....
ياجلبى ياغبى رايح لجلب لا يخاف ولا يستحى..
ياجلبى خليك هنا ده فى راحة البال مش هتلاجى
غير السعادة والهنا ...
تخاريف كاتبة .

حنان غانم